Kantung Puyung

Kantung Puyung cipt: Dewa Mayura

Dwi Negari

Sing cara biasane yen Beli bangun semengan
Anteng pesan Adi mengayahin Beli
Ngaenang dewek Beli kopi nanjenin dewek Beli Nasi
Makire Beli mejalan makuli

Ane jani maelenan Adi mebalik kuri
Adi mara Adi manyeselin Beli
Munyin Adi nyakitin hati ngai panes kuping beline
Nyeselin hidup lacur ngajak Beli

Nang ja saih saihang Adi
Teken hidup anake elenan
Nu liu anake jelekan Adi
Bisa bisa awai sing makan

Adi ba nawang Beli tuah kuli harian
Sekayan beline tuah cukup anggon makan
Beli sing ngidaang ngemaang Adi kemewahan
Kanggoang ja malu sebates ngidaang makan

Nyak cara sasenggake solah Adi ken Beli
Kantong Beline misi ngorahang tresna sujati
Nanging rikala kantong Beline puyung
Tresnan Adi milu srayang sruyung